WAXAAYBAHA RAGGU AY DOONAYAAN DUMARKUNA AANAY DAREENSANYN!!

July 29, 2014 2:00 AM6 commentsViews: 4202

Ma fududa inay haweeneydu ninkeeda siduu rabo u raalligeliso, gaar ahaan kolkay arrinru galmo ku lug leedahay. Waxaa markaa kulmaya isagoon waxa uu tabanayo si bareer ah ugu sheegi karin iyo iyadoo aqoon-darri ka sokow isaga uun wilaayada saarata. Hadduu xitaa sidaas baan rabaa sidaana iga daa oran lahaa hawshii galmada ayaaba saa ku dhadhan beelaysa. Ninku waxa uu jeclaan lahaa inay xaaskiisu iskeed u garato dookhiisa iyo rabitaankiisa isagoon u sheegin.

Haddaba si aynu arrinka u fududeyno, ugu horreyntaba waa inay haweeneydu ogaataa in rag oo dhami isku dookh ka yihiin dhanka galmada oo waxa ninkeedu ka doonayaa ay yihiin waxa nin kasta oo kale uu xaaskiisa ka doono, aanayna ahayn wax ninkeeda ku kooban. Marka xiga waa inay isku daydaa in waxyaabaha aynu soo sheegi doonno ay dhaqan geliso, si ay ninkeeda rabitaankiisa u raalligeliso iyana raaxada ula wadaagto.

1- MARMAR HOGGAANKA QABO

Ka badbadin igama aha haddaan iraahdo rag oo dhami way u riyaaqaan kolkay arkaan haweenkooda oo galmada hoggaanka u haaya, halkay iyagu ka doonan lahaayeen. Ninku markaasi wuxuu rabbigiis iyo ragannimadiisa ku mahadiyaa siduu ugu raaxaynayo xaaskiisa, isagoo weliba falkeedaasi si ba’an ugu kacsada.

Haddaba gabaryahay waa in aanad ka xishoon inaad gacalkaaga ugu baaqdid si aan bareer ahayn una tustid inaad galmo doonaysid, sida adigoo ku jiitama (isku naba), horaadka saara, madaxa iyo garka u salaaxa, hadal macaan oo xodxodasho ahna xaraaraddiisa ku kiciya.

2- SI XORRIYAD LEH U RAAXAYSO

     Dumarka qaar baa aaminsan in dhaqdhaqaaqa (niikada) iyo reenka ka baxa xilliga galmada oo raggu dareemaa amaba maqlaa tahay wax ceeb ah, sidaa darteedna iscaburiya iskuna celiya dareenkooda oo dib u liqa. Allow yaa usheega dumarka caynkaas ah inay iscaddibayaan, isna seejinayaan, raggoodana seejinayaan raaxo iyo macaan tii ugu darrayd.

     Gabaryahay ogoow rag oo dhami inay aad iyo aad u jecelyihiin inay maqlaan haweenkooda oo reemaya, neeftuuraya, dhunkashada iyo dhabanna qabsigana la wadaagaya. Ogoowna hadduu ninkaagu arko adigoo iska hoosyaal, istiin iyo raaxana aanad qaadanayn, hawsha uu qabanayana la qaybsanayn, inuu marka hore isagu iska shakinayo oo aaminayo inuu yahay wax-ma-tare aan ku raalligeli karin, marka xigana uu kaa qaadanayo fikrad xun oo ah inaad tahay mid aan mayd waxba dhaamin, maantuu ku guursadayna khasaare ka joogo.

Gabaryahay galmadu ma aha oo qura kaqaybgal jireed ee waxa weeye oo kale kaqaybgal dareen iyo rabitaan, dhunkashada iyo ereyada macaanina waa lagama maarmaan, mana loo baahna inaad ka xishootid ee saa u ogoow.

3- GALMO KELIYA MA AHA

Waxyaabaha ninku xaaskiisa ka doonayaa kuma koobna inay sariirta ugu raaxayso, balse waxa uu mararka qaar u baahan yahay jacayl aan ‘jabitaan’ lahayn oo ay laabtiisu ku qabowdo, kalsoonida uu naftiisa iyo naagtiisa ku qabaana ku kororto. Waxyaabaha haddaba uu doonayo waxaa kamid ah, dhunkasho macaan, shafka ku qabasho, salaaxis aanay doonisi ku jirin iyo haasaawe macaan. Waxyaabahaai kolkay guurka ka maqan yihiin  wuxu noqdaa sida raashin aan cusbo lahayn.

4- ODAYGAAGU MA AHA AALAD

Dumarka qaar baa u haysta in ninka ay waajib ku tahay inuu xaaskiisa habeen kasta u tago, hadduu saa yeeli waayana uqaata inuu isbeddelay ama dumar kale ka raacay amaba ay ka dhammaatay oo uusan iyadaba raalligeli karin. Haddaba gabaryahay ninkaagu aalad maaha shaqeysa mar kasta oo inta batrool lagu shubo la istaaro, balse waxa weeye bani’aadam ay saameeyaan duruufaha uu ku noolyahay, dadka uu ku dhex noolyahay iyo shaqooyinka uu qabto intaba.

Ninku kolka uu ka fekerayo duruufaha hadba noloshiisa kusoo kordha, niyad uma haayo naag utag, naftiisa iyo niyaddiisuna uma qaybsami karaan laba meelood, markaasi oo kalena waxaa haweeneyda la gudboon inay isku daydo siday u fahmi lahayd mashaakilkiisa, ulana socon lahayd duruufihiisa ugana gargaari lahayd siduu uga gudbi lahaa.

W/D: Sabriye Macalin Muuse

Tags:

VIDEO NEWS


Source: Fubo

6 Comments

  • sheekoy ku nacay naagtuna hadaba waxay jeceshahay ninku inuu bilaabo oo xodxoto oo hadalo macaan ku dhaho sheekadana isaga bilaaba hogaankana u qabta, beerjileecaas naag ka heli maysaan haku hungoobina

  • waa arin muhiim aha lkn dumarka somalidu uma bisla hada
    ruguna uma tabaraan naagahooda kkkkkkkkkkkkkkkkkkkkk

  • Walahi wa hadal xaqiqa ah raggu dhinacas wey ka simanyihin.gabdhaha somaliyed lagama helaya waxas o dhan laga yaaba in qaar kamid ah laga helo lkn ma badno

  • Haa sheekhow waa maxay halkaad inala martay miyaanad ogeyn in aan arintan lagaga hadlin
    meelahan oo kale waayo waa arin xasaasiya oo aan bannaanayn in si caama bulshada loogu soo bandhigo kulamaan yaabin oo aqoontaada ayaad hadashay

  • been maadan sheegin saasha ddumarka soomaliyeed dhaqan iyo hido waxaan uleenahay laguna yaqaana gabadha xaaska ah inay labisto is qurxiso, caraf iyo udgoon laga dareemo agteeda siwanaagsan ula dhaqanto . ninkana taas baa tosaale xaaskiisa u heelantahay ,wadamaduna kala duwan qolo walba dhaqan iyo hido bay leeyhin ragooda iyo dumarkooada

  • Arinta dhibka kataaganyahay waxaa weeye in dumarka somaliyeed badankood aysan ku baraa’rugsanayn cayilka saa’idka ah ee jirkooda saaran, dumarka waqtiga maanta lajooga quruxdooda waxaa lagu qiimayaa jirka saaran iyo sida ay u dhuubantahay waxa loo yaqaan “sexy lady”. marka dumarka somaliyeed waa inay jiimka tartan u galaan si ay quruxdooda u dhameestiranto.
    Ragga somaliyeed iyaga laftigooda waa in ay la’dagaalamaan caloosha weyn. Hadii mar-laguursaday macnaheeda maaha in caajis meesha soo galo, waa in lagu dadaala labo-jibaar sidii markii horeba la’isku xoreenayay si labada qof ee lamaanaha ay nolol raaxo leh oo Dheer ugu noolaadan.

Leave a Reply

You must be logged in to post a comment.

Trackbacks