R. Kelly oo ku socda xabsi si la mid ah Wesley Snipes. (Warbixin)

November 25, 2012 12:30 AM0 commentsViews: 3

Documents cusub ayaa shaaca ka qaaday in heesaaga caanka ah ee R. Kelly lagu lee yahay 5 milyan oo dollar oo ah canshuur uusan bixin.

Wargeyska Chicago Sun-Times ayaa ku warramay in documents-ka oo ay buuxisay waaxda daqli uruurinta Mareykanka ee Internal Revenue Service (IRS) uu muujinayo in xiddigaas R&B lagu lee yahay canshuuro uusan bixin tan iyo sanaddii 2005.

45 jirkaasi heesaaga ah ayaa waxaa sanadki tagay qasab ku noqotay inuu iibiyo qasrigisii magaalada Chicago, kadib markii uu noqday mowduuca ficilo sharciyeed oo ku saabsan lacag aan la bixin oo weli guriga lagu lee yahay (Mortgage payments).

Sanaddii 2011 R. Kelly ayaa waxaa lagu sameeyay qalin dhinaca cunaha ah. Waxa uu sii daayay album-kiisii 11-aad dhammaadkii sanadkaas.

Sida ay ku warramayaan waraaqo canshuuro oo ay aragtay Chicago Sun-Times, Kelly ayaa bixiyay sanaddii 2008 2.6 milyan oo dollar oo qeyb ka ah canshuurta lagu lahaa.

Si kastaba, inkasta oo uu bixiyay hal milyan oo kale oo dheeri sanadii tagtay, haddana waxaa weli lagu lee yahay 4.8 milyan oo dollar.
Kelly wax war ah kama soo saarin arrintan.

Xiddigaasi oo ku guuleystay 3 goor abaal marinta Grammy Awards oo ah tan ugu wanaagsan xagga music, waxa uu iibiyay 50 milyan oo album dunida dacaladeeda.

Horaantii sanadkan Billboards ayaa u magacowday R. Kelly heesaaga ugu guusha badnaa R&B, 25 sano ee tagay.

Dhibaatooyinka dhinaca canshuuraha ayaa R.Kelly u hogaamin kara xabsi, ayada oo si taas la mid ah uu laba sano ku dhow arrintan oo kale xabsi ugu galay actor-ka caanka ah ee Wesley Snipes, welina ku jira.

Leave a Reply

You must be logged in to post a comment.

Trackbacks