Maxaa Muqdsiho loola yaabaa, Haddii New York ayba sidan tahay?

December 2, 2012 12:21 AM1 commentViews: 1

Haddaad mar walba la yaabaneyd waxa Muqdisho xabadda iyo rabashadaha daba dhigay, waxaa la yaab leh in magaallooyin la moodo kuwa amni ah ay iyaguna dhibkooda qabaan.

Markii ugu horeysay taariikhda la xusuusto, ayaa magaalada ugu weyn dalka Mareykanka ee New York, waxaa soo martay maalin aysan ka dhicin wax dambi rabshado ah.

Afhayeen u hadlay waaxda Booliiska magaalada ayaa sheegay in Isniintii ( 26-ka November), ay ahayd maalintii ugu horeysay taariikhda la og yahay oo uusan wax dhiig ah ku daadan magaalada.

Ma jirin qof la dilay, toogasho dhacday, mindiyeyn ama dhacdo kale oo rabshad ah oo ka dhacday New York isniintii tagtay.

Inkasta oo bishii July ay dilalka cirka isku shareereen, ayaa haddana magaalada waxa ay rajeeneysaa in sanadkan uu noqdo kii ugu dilalka yaraa, tan iyo 1960-kii.

Xagaagii lasoo dhaafay waxaa lagu naaneesay “Summer of blood” (Xagaagii dhiiga”, sababo la xiriira sida dilalka ay u kordheen darteed.
Rabshadaha waxa ay sare uga kaceen magaalada 3%.

Hase yeeshee, dilalka ayaa hoos u dhacay 23%, mark loo eego sanadii tagtay, taasi oo ah heerkii ugu hooseeyay muddo ka badan 50 sano.
366 qof ayaa lagu dilay magaalada New York sandkan, oo weli ay bil ka harsan tahay, taasi oo ah war wanaagsan, marka loo eego sanaddii tagtay oo la dilay 472 qof.

Magaalada New York waxaa ku nool 8 milyan oo qof.

W/Q: Ahmed Ali Sheikh

1 Comment

  • Newyork iyo Xamar waxyaabahey isag mid yihiin ooo uu ilaawey qoraha
    1, xamar isbaaraa taala ,newyorkna isbaara taala
    2 xamar waxa lagu dilaa aqoon yahanda iyo culumaaudiinka,Newyorkna sidaasoo kale
    3 Xamar xeebta Liido leedahey oo sun lagu shubey badaha somalia,Newyorkna sidoo kale xebaheeda wa sumeysan yihiin
    4, Newyork lacagta aduunkaa taala,Xamarna lacagtii afrikaa taala
    5, Xamar waxa lagu nool yahey guryihii masakinta somlida ee deganan jirey lamana rabo in loo celiyo,newyokna guryaha la degna yahey xoogaa lagu heystaa
    6 xamar maxa loola yaaba waxey la mid tahey Newyork
    7 Xamar haku soo noqdaan dadkii deganaan jirey gurya cusubna ha dhistaan,hadhowna halaga boobo,Newyorkna wa sidaasoo kale guryaha dad aa laga xoogey.

Leave a Reply

You must be logged in to post a comment.

Trackbacks