Kibaki “Ciidamada Kenya waa ay sii joogi doonaan Somalia inta……”

Kibaki “Ciidamada Kenya waa ay sii joogi doonaan Somalia inta……”

1
SHARE

Nairobi (Caasimada Online) Madaxwaynaha Kenya Mwai Kibaki ayaa ka hadlay howlgalka ciidanka Kenya ay ka wadaan  dalka ay dariska yihiin ee Soomaaliya.

Madaxweynaha ayaa sheegay in sababta ay u-galeen Soomaaliya tahay siddii ay gacan u siin lahaayeen Soomaaliya, oo in ka badan 20-sano dowlad la’aan ahayd.

Madaxweynaha ayaaa khudbadiisii ugu dambeesay shaley ka jeediyay garoonka ciyaaraha ee Nyayo Stadium.

Wuxuu sheegay intii uu xilka hayay in dalka Kenya uu wax badan u-qabtay sida uu hadalka u dhigay.

Madaxweynaha Kenya ayaa sheegay in ay taageersan yihiin dowladda Soomaaliya ee uu madaxweynaha ka yahay Xasan Sheekh Maxamuud.

Waxa kaloo uu sheegay in ciidanka Kenya ay sii- joogi doonnaan waddanka Soomaaliya inta laga helaayo xasiloon iyo nabad.

Wuxuu ammaanay howlgalka ciidankooda ay ka wadaan Soomaaliya, kaddib markii ay qabteen magaalada Kismaayo oo dhaqaale badan uu ka soo gali jiray Al-Shabaab.

Madaxweynaha ayaa ugu dambeen ku booriyay Soomaalida ku dhaqan gobalka waqooyi-bari Kenya in ay ka qaybgalaan doorashada madaxweynaha ee dhaceyso sannadka soo socda.

Kibaki ayaa xafiiska banneen doona, kaddib markii ay u dhammaatay xilliga loogu talagalay, wuxuu xilka qabtay sannadkii  2002-dii.

Caasimada Online

Xafiiska Wararka Nairobi

SHARE