JAWAAB: Bashiir Cali Xuseen waad ka xishootay xildhibaanada!

December 6, 2012 12:00 AM3 commentsViews: 1

Baadi ayaa naga maqan oo aan goobeeynaa, waxaana la,nahay  meesha ay naga xigto, waa dhibanahay waxaan garan la,nahay halka uu nooga yimid dhibka, asaageen waan ka harnay waxaan garan la,nahay waxa naga reebay, mar walba rajaa nasoo gasha waxaan garan la,nahay waxa lumiya rajooyinkeena.

Hadaba waxaa muhiim ah in aan tooshka ku ifino anagoon u aaba yeelin cudurka iyo aafada na saameeysay halka ay naga haleeshay, hadaan aragtida Bashiir cali xusseen iyo maqaalkuu qalinka u qaatay ee (Hag-bad siyaasadeedka baarlamaanka!) oo aan aqriyay runtiina aan u arkay maqaal run sheeg ah oo aad uga damqanaaya waayaha culus eey ummada soomaaliyeed maanta ku suganyihiin iyo dantood eegyada xildhibaanada soomaaliyeed, waxeey dalbadeen mushaar aad u badan oo aan ka gu,in umad faqri, dagaal, qax, gaajo iyo dhaawac u wehel noqday oo u baahan cidii samata bixin lahayd, iyo waliba ayadoo ay u sii dheertahay xil gudasho la,aan iyo meeraysi. Runtii aad iyo aad ayaan ugu raacsanahay bashiir aragtidiisa wanaagsan ee wadan jacaylka ah, hadana waxaan aaminsanay in uu xildhibaanada ka xishooday, Waxaana is weeydiinayaa su,aalo badan.

Mushaarka xad dhaafka ah! 

Mushaarka xad dhaafka ay oo ay dalbadeen, waa mid aan ka gu,in waqtiga xaadirka ah soomaaliya, waayo waa wadan ay dagaalo ka jiraan oo aan lahayn wax soo saar, waxaan hubaa hadeey wadaniyiin u naxaaya dalka iyo dadka ay yihiin in ay ku shaqeyn lahaayeen cunto sadexda waqti meel loogu bisleeyo, gaar ahaan qurba jooga oo ay qoysaskoodu aanay qataneeyn, waxeeyna aad ugu dadaali lahaayeen, in qarashka intiisa badan la marsiiyo dhanka ciidamada qalabka sida oo ah dalada ugu mihiimsan uguna miisaan culus ee waxtarka u leh bulshada soomaaliyeed ee aan la,aantood sal nastaa Jiri karin.

Maxaa lagu qaban karaa lacagta intaas la’ eg?

Lacagta intaas la,eg waxaa mushaar ahaan loo siin karaa, 2750 ciidamo ah oo wax wayn ka qaban kara nabad galyada, kana shaqeeyn kara in ay hor istaag buuxa ku sameeyaan cid walba oo dhib ku ah, dalka iyo dadka soomaaliyeed, lacagtaas oo ay qiimaheedu noqonayso sanadkiiba (6,600,000), waxaa lagu sameeyn karaa mashaariic horu marineed oo ay  shaqo ka heli karaan dhaliyaro badan oo soomaali ah oo ay shaqo la,aan baday in meeshii la doono loo duufsado, ma oranaayo mushaar dhan iska ilooba laakiin waxaan kula talin lahaa in ay dhuunta qooystaan uun si aan ugu gudubno dhibaatooyinka aan maanta maganta u nahay, waxaana usoo jeedin lahaa in ay ka guuraan hoteelada oo ay sameeystaan, dhismo ay sariiraha isa saartaan, hadaad taas sameeysaan maanta, waxaad bari gaari kartaan, si ka wanaagsan sida aad maanta wax u dalbaneeysaan, waxaa kaloo intaas dheer oo aan kula talin lahaa in ay si qurux badan ula shaqeeyaan dawlada, una fududeeyaan howl alla howshii ay horu mar ku abuuri karaan isla markaana mar walba ay isku soo dhoweeyaan.

Qurba jooga Soomaaliyeed waxaan kula talin lahaa:-

Hadaan nahay qurba jooga soomaaliyeed, waxaa nahay kuwa ugu baahi badan in uu hagaago dalkeena, waayo waxaan ku dhaqan ceshan lahayn ubadkeena, si ay taasi u dhacdo waxaan talo ahaan aan soo bandhigi lahaa, in aanu u midoowno gacmahana isu qabsano sidaan u taageeri lahayn dalkeena, dadkeena iyo dawladeena, anagoo aan isu kala saarin mucaarid iyo muxaafid, waayo waxaa naga dhaxeeya waa wadankeena horumar waloo uu gaarana anaga ayaa leh dhaxalkiisa, taas waxeey noqoneeysaa difaac dal, dad iyo diin, waxaan soo jeedinaayaa in aan sameeyno kayd lacag ururin ah oo aan shaqsi wax ka dhibeeyn markeey kulantana wax weeyn loogu qaban karo dalka iyo dadka.

Waxaan ka codasanaayaa dhamaan umada soomaaliyeed in ay iga cafiyaan wixii qalad ah ee iga dhacay, waxaadna ogaataan in aan ahay wanaag doon iyo soomaali oo mideeysan in aan mar uun indhaha saaro.

W/Q: Abwaan C/llaahi Bashiir Nuur

Afeef: Aragtida qoraalkan waxa uu ku gaar yahay qoraaga ku saxiixan

3 Comments

  • cabdulahi bashir masha alaah horta waad gikir fican tahay lakin waxad ilowsan tahay qurba jogta kuwooda ugu liito oo xataa ilamahoda qurbaha ku dayacay aya wadanki kala jar jaraayo oo dadka masaakintaa hadba intey suud u xo xirtan leh aqoon yahan kina ayaan ahay hebel land aan qurbaha tagero uga hayaa aan baxsano markaa bashir i wish in qurba jogta si wanagsan u fekeri laheed maslaxada dadka iyo dalaka iyo dinta ka talin lahayeen marka sido loo helayaa waye qurba joog nafid ah xataa masjidyada qurbaha ku yaal wax alagu magacaba masjidka rer hebel all magac qabiil ayaa logu yeraa taas horta ma lis weydiyay

  • Asc Picolo wa runtaa c.bashiir waa nin aad u niyad fiican ,sidoo kale waa runta kuwa suudka u qaatay in eey waddankaas kala jar jaraan , waxaase aad ugu badan kuwa jecel in eey arkaan mar kaliya soomaaliya oo qarannimadeedii u soo laabato,midddan xildhibaanada in eey is gartaan alla ha ku duwo, middan ina bashiir oo uu leeyahay sanduuq lacageed haddii laga abaabulo waxaan qabaa in laga mushaar siin karo nciidamada aad ku xustay kuwo ka badan intii doono.

  • asc c/laahi aad ayaad u fikir fiicanatahay wax aadqaladayna majiro kuwan xildhibaan isku sheega ah waxay ubadan yihiin dad simusuqmaasuq ah kuyimid oo meelo fog fog kiishash ka soo toshay oo maxaan cunaa ah oo iyaga laftoodu kusoo galay lacag mabda ooguna waa wax hele waxa ku jira inyar oo daacad ah

Leave a Reply

You must be logged in to post a comment.

Trackbacks