Gen. Carter Ham “Marka aan eegno xaalka Somalia, Mareykanka waxa uu doorbidayaa...

Gen. Carter Ham “Marka aan eegno xaalka Somalia, Mareykanka waxa uu doorbidayaa hal xal”

SHARE

General Carter Ham oo Mareykanka mas’uul uga ah xiriirka Milatari ee uu la lee yahay dalalka Africa, ayaa ka hadlay xalaada iminka Al-Shabab ay ku sugan tahay kadib dagaalo aan loo kala harin.

Waxa uu yiri “Shabaab iminka waa bur bur, laakin weli waxbaa haray”.

General Ham oo la weydiiyay sida Mareykanka ula socdo xaalka Somalia iyo haddii ay jirto suurtagalnimo ah haba yaraatee inay faragelin milatari ku sameeyaan, waxa uu yiri “taasi ma dhici doonto”

“Marka aan eegno xaalka Somalia, Mareykanka waxa uu doorbidayaan hal xal oo ah xalka African ah” ayuu yiri.
Waxa uu yiri inay muhuim tahay in Africa ay ayadu xalisato dhibbaatooyinkeeda.

“Waxaan u maleynaa dadaaladeena ugu wanaagsan waa marka aan taageerno sidii aan dalalka Africa iyo ururada gobolka ugu guuleysan lahaayeen xalinta dhibka qaaradda”

“Guusha ay Africa ka gaareyso dagaalka Al-Shabab ee Somalia, waxa uu cashar wanaagsan u yahay dhibaatooyinka mustaqblka ee Qaaradda” ayuu yiri General Ham.

Waxa kale oo uu walaac ka muujiyay xiriirka sii kordhaya ee ka dhaxeeya Al-Shabab iyo mintidiinta kale ee qaaradda Africa, sida Kooxa Baku Xaram ee dalka Mali, isaga oo sheegay in Mareykanka iyo Yurub, QM iyo Africa ay iska kaashan doonaan bur burinta kooxahaas.

Loading...
SHARE