Dhageyso Faroole: “Waa in Xasan Sheekh lala shaqeeya haddii uu soo laabto”

Dhageyso Faroole: “Waa in Xasan Sheekh lala shaqeeya haddii uu soo laabto”

SHARE

Garoowe (Caasimada Online) – Xildhibaan C/raxmaan Maxamed Faroole ayaa ka duulay magaalada Garowe ee xarunta maamulka Puntland isagoo ku soo jeeda magaalada Muqdisho.

Isagoo saxaafadda la hadlay intii aanu ka dhoofin magaalada Garowe ayuu sheegay inuu weli yahay musharax u taagan xilka madaxweenaha, wuxuuna sheeg in loo baahan yahay ninkii xilkaasi ku soo baxa in lala shaqeeyo.

“Haddii Xasan Sheekh laga helo waa inuu xilka banneeyaa, sidii aan aniguba sameeyay, haddii uu soo laabtana waa in lala shaqeeyaa” ayuu yiri C/raxmaan Faroole oo hore si weyn u diidaa inuu Xasan Sheekh soo laabto.

Wuxuu ugu baaqay Ganacsatada Muqdisho inay taageero u diraan dadka abaartu ku dhufatay ee Puntland, isagoo sheegay in Muqdisho ay lacag badan taallo, wuxuuna caddeeyay in hore dadka Muqdisho ay ugu gurmadeen duufaantii Sunami, laakiin xilligan ay xaaladu ka darran tahay.

Faroole ayaa sheegay inuu ku wajahan yahay magaalada Nairobi, kadibna uu Muqdisho tegayo, isagoo ka qeyb galaya doorashada Guddoonka Baarlamanka Soomaaliya.

Caasimada Online
Xafiiska Garoowe
[email protected]

FADLAN HOOS KA DHIIBO ARAGTIDAADA
SHARE