Caasimada Online | Isha Wararka Sugan » Wararka http://caasimadda.com Mon, 30 Mar 2015 21:07:01 +0000 en-US hourly 1 http://wordpress.org/?v=4.1.1 Axmed Cabdi Salaan oo tagay Dhuusomareeb kana hadlay qorshihiisa http://caasimadda.com/axmed-cabdi-salaan-oo-tagay-dhuusomareeb-kana-hadlay-qorshihiisa/ http://caasimadda.com/axmed-cabdi-salaan-oo-tagay-dhuusomareeb-kana-hadlay-qorshihiisa/#comments Mon, 30 Mar 2015 20:59:25 +0000 http://caasimadda.com/?p=154597 More »]]> Dhuusomareeb (Caasimada Online) - Safiirka Somaliya u fadhiya dalka Itoobiya Danjire Axmed C/salaan Xaaji Aadan, ayaa waxa uu maanta gaaray Magaalada Dhuusamareeb ee Xarunta Gobolka Galgaduud, markii uu Magaalada Muqdisho ka amba baxay.

Gudoomiye Ku Xigeenka 2-aad ee Baarlamaanka Somaliya Mahad Cabdalla Cawad, oo lagu waday inay Magaalada Dhuusamareeb isla wada gaaraan Axmed C/salaan, ayaa si kedis ahayd kaga baaqday, iyadoo aan sababta la sheegin.

Cawad, ayaa la tilmaamay in uu buuxin lahaa booska Madaxweynaha Somaliya Xasan Sheekh Maxamuud, kaa oo ka baaqsaday safar uu maanta ku taggi lahaa Magaalada Dhuusamareeb, taa bedelkeedana uu taggi doono Cadaado, haddii aan qorshaha waxba laga bedelin.

Axmed C/salaan oo Saxaafadda kula hadlay Magaalada Dhuusamareeb, ayaa sheegay in maalmaha soo socdo uu jooggi doono Magaaladaasi, isla-markaana uu kulamo kala duwan kula qaadan doono Odayaasha Dhaqanka.

Waxa uu Odayaashu ku ammaanay inay qabteen shaqo wanaagsan, oo ah inay shir u qabteen beelaha deegaanka, si ay isugu wada yimaadan, iskuna cafiyan, si loogu dhiso Maamul ay ku mideysan yihiin.

Axmed wuxuu cadeeyay inuu yahay musharax u taagan jegada Madaxtinimada ee Maamulka Gobolada Dhexe, isla-markaana uu dhageysan doono rabitaanka bulshada deegaanka.

Inkastoo Safiirka ay saxibo dhow yihiin Madaxweyne Xasan Sheekh, ayaa hadana waxaa la aaminsan yahay in Madaxweynuhu uu jegadaasi la doonayo C/kariin Xuseen Guuleed, Wasiirkii hore Arrimaha Gudaha iyo Amniga.

Caasimada Online
Xafiiska Muqdisho
Caasimada@live.com

]]>
http://caasimadda.com/axmed-cabdi-salaan-oo-tagay-dhuusomareeb-kana-hadlay-qorshihiisa/feed/ 0
DF SOMALIA oo war kasoo saartay go’aanka ah in hawada dalka SOMALIA laga weeraro Yemen http://caasimadda.com/df-oo-war-kasoo-saartay-goaanka-ah-in-hawada-somalia-laga-weeraro-yemen/ http://caasimadda.com/df-oo-war-kasoo-saartay-goaanka-ah-in-hawada-somalia-laga-weeraro-yemen/#comments Mon, 30 Mar 2015 18:15:04 +0000 http://caasimadda.com/?p=154617 More »]]> Muqdisho (Caasimada Online) - Afhayeenka madaxweynaha Soomaaliya Daa’uud Aweys ayaa sheegey in aysan jirin wax go’aan ah oo dowladda Soomaaliya ay ku gaartay in ay dowladda Sucuudiga siiso saldhigyo ciidan oo xagga badda iyo kuwa cirka ah oo ay kaga duusho dalka Yemen.

“Waxaan filayaa in aysan jirin meel ay dowladda Soomaaliya ka sheegtey arrintaasi, tan kaliya oo ay sheegtey waa in ay taageereyso go’aanka jaamacadda carabta” ayuu yiri Daa’uud Aweys.

Waxa kale oo uu yiri “Madaxweynaha Soomaaliya waxa uu taageerey go’aanka Jaamacadda Carabta kaasi oo ah in madaxweynaha Rasmiga ah ee Yemen uu yahay mudane Haaddi oo hadda ku sugan dalka Sucuudiga, marka madaxweynaha Soomaaliya waxa uu si toos ah u taageerey mowqifka jaamacadda carabta eek u aadan dalkaasi Yemen, halkaasi oo uu dalka Sucuudiga ka bilaabay hawlgal ay jaamacadda Carabta raali ka tahay”.

Dhanka kale afhayeenka madaxweynaha ayaa sheegey in madaxweynaha Soomaaliya uu xoghayaha guud ee Qaramada Midoobey Banki Moon ka codsaday in dalka Yemen laga daad gureeyo kumanaan qaxootiga Soomaaliyeed ee dalkaasi ku go’doonsan.

“Madaxweynaha Soomaaliya waxa uu codsaday in qaxootiga Soomaaliyeed ee Yemen jooga laga soo daldalo” , ayuu yiri, isaga oo intaasi ku daray in codsigaasi la ogolaaday.

Caasimada Online
Xafiiska Muqdisho
Caasimada@live.com

]]>
http://caasimadda.com/df-oo-war-kasoo-saartay-goaanka-ah-in-hawada-somalia-laga-weeraro-yemen/feed/ 0
Xog: Odawaa oo faraha kula jira awoodaha R/W CCC Sharmaarke iyo Xasan Sheekh oo u hiiliyay http://caasimadda.com/xog-odawaa-oo-faraha-kula-jira-awoodaha-rw-cc-sharmaarke-iyo-xasan-oo-u-hiiliyay/ http://caasimadda.com/xog-odawaa-oo-faraha-kula-jira-awoodaha-rw-cc-sharmaarke-iyo-xasan-oo-u-hiiliyay/#comments Mon, 30 Mar 2015 15:54:36 +0000 http://caasimadda.com/?p=154522 More »]]> Muqdisho (Caasimada Online) - Warar ay heshay Caasimada Online ayaa sheegaya in R/W CC uu xiligaani qaati ka taagan yahay Wasiirka Arrimaha gudaha DF Somalia C/raxmaan Max’ed Xuseen Odawaa.

Wararku waxa ay sheegayaan in Odawaa uu baneystay shaqooyin aan laga farin Xafiiska Ra’isul wasaaraha dalka, taasi oo keentay in Cumar Cabdirashiid uu si KMG ah u hakiyo howlo badan oo khuseeya Wasaarada Arrimaha Gudaha.

Wasiir Odawaa ayaa Labadii Asbuuc ee la soo dhaafay siyaabo qaldan u adeegsaday Siyaasado salka ku haya u kala eexashada Maamul Goboleedyo isku Khilaafsan Hanaanka loo adeegsan lahaa dardar galinta howlaha horyaala Maamulka.

Maamulka Jubba ayaa la sheegayaa in Ra’isul wasaare CC ay usoo gudbiyeen Dacwado ka dhan ah Wasiirka Arrimaha Gudaha, kadib markii safarkiisii ugu dambeeyay uu la hortagay ajandooyin aan la farin Odawaa.

Madaxweyne Xasan oo isagu hor boodaya Wasiirka ayaa ka caga jiidaya in Odawaa uu kala hadlo Arrimaha Khuseeya Siyaasada soo jireenka ahaa ee Gobolada, Nidaamka Xukuumada iyo awaamirta gaarka ah ee Xafiiska R/W CC.

Madaxweyne Xassan ayaa u muuqda inuu ku qanacsan yahay Siyaasadaha Odawaa ee uu kaga talaabayo sharciga, waxa uuna dhowr jeer ka aamusay Cabashooyin kaga imaaday dhanka Siyaasiyiinta kasoo kala jeeda Cadaado iyo Dhuusamareeb.

Caasimada Online
Xafiiska Muqdisho
Caasimada@live.com

]]>
http://caasimadda.com/xog-odawaa-oo-faraha-kula-jira-awoodaha-rw-cc-sharmaarke-iyo-xasan-oo-u-hiiliyay/feed/ 0
Dhageyso war culus oo kasoo baxay Sh. Shariif http://caasimadda.com/dhageyso-war-culus-oo-kasoo-baxay-sheekh-shariif/ http://caasimadda.com/dhageyso-war-culus-oo-kasoo-baxay-sheekh-shariif/#comments Mon, 30 Mar 2015 13:19:35 +0000 http://caasimadda.com/?p=154577 More »]]> Muqdisho (Caasimada Online)-  Madaxweynihii hore ee Soomaaliya Shariif Sheikh Axmed ayaa si kulul kaga hadlay qaraxii dhawaan ka dhacay hotelka Maka Al Mukarama ee magaalada Muqdisho kaasi oo sababay dhimasho iyo dhaawac soo gaaray madax dowlada ka tirsan dowlada iyo dad shacab ah.

Shariif Sheikh Axmed, ayaa ugu horeyn ka hadlay Yuusuf Bari bari iyo aqoonta uu u lahaa, isaga oo sheegay iney isla soo shaqeeyeen xiligii uu madaxweynaha ka ahaa dowladii KMG aheyd ee dalka.

Wuxuu tacsi u diray dhamaan dadkii ku dhintay qaraxaasi oo Alshabaab ay sheegteen masuuliyadiisa, wuxuuna sheegay in Alshabaab ay dhibaato ku hayaan ummada Soomaaliyeed.

Dhanka kale madaxweynihii hore ee Soomaaliya Sheikh Shariif Sheikh Axmed, ayaa ka hadlay siyaasada dalka Soomaaliya isaga oo sheegay in xiligaan aan la joojin waqtigii laga fikiri lahaa siyaasad Soomaaliyeed, lana joogo xiligii laga fakari lahaa arimaha bulshada Soomaaliuyeed.

Wuxuu hadalkiisa u muuqday inuu si dadban u weerarayo dowlada madaxweynaha Xasan Sheikh maxamuud, isaga oo ugu dambeyn ka hadlay hayada SAMADOON oo uu ku aasay magaalada London ee dalka Uk.

Caasimada Online
Xafiiska Muqdisho
Caasimada@live.com

]]>
http://caasimadda.com/dhageyso-war-culus-oo-kasoo-baxay-sheekh-shariif/feed/ 0
Garoonka diyaaradaha Berbera oo saldhig laga duulaan taga u noqonaya xulufada Sacuudiga http://caasimadda.com/garoonka-berbera-oo-saldhig-laga-duulaan-taga-u-noqonaaya-isbaheysiga-sacuudiga/ http://caasimadda.com/garoonka-berbera-oo-saldhig-laga-duulaan-taga-u-noqonaaya-isbaheysiga-sacuudiga/#comments Mon, 30 Mar 2015 11:32:48 +0000 http://caasimadda.com/?p=154594 More »]]> Muqdisho (Caasimada Online) – War kasoo baxay Maamulka Somaliland, ayaa lagu sheegay in Maamulka uu aqbalay in Dowlada Sudan ay isticmaasho garoonka Berbera si ay uga duulaan tagaan weerarada lagu hayo Maleeshiyaadka Xuutiyiinta.

Dowlada Sudan ayaa kamid ah Dowladaha qeybta ka ah Howlgalka ay hogaamineyso Boqortooyada Sacuudiga, waxa ayna si toos ah diyaaradaheeda dagaalka xiligaan iyo wixii ka dambeeya uga kici doonaan Garoonka Berbera.

Go’aankani ay Dowlada Sudan ku adeegsaneyso garoonka, ayaa yimid kadib kulan Waqti badan qaatay oo dhexmaray Mas’uuliyiinta Maamulka Somaliland iyo Xubno ka socday Dowladda Sudan.

Madaxweyne Axmed Siilaanyo ayaa hore u taageeray Go’aanka lagu aas aasay Isbaheysiga dagaalka kula jira Kooxda Xuutiyiinta Dalka Yemen.

Caasimada Online
Xafiiska Muqdisho
Caasimada@live.com

]]>
http://caasimadda.com/garoonka-berbera-oo-saldhig-laga-duulaan-taga-u-noqonaaya-isbaheysiga-sacuudiga/feed/ 0
Sarkaal dhowr jeer isku dayay inuu dilo SIIDII oo Shabaab kasoo goostay iyo xog laga helay http://caasimadda.com/sargaal-dhowr-jeer-isku-dayay-inuu-kharijiyo-siidii-oo-alshabaab-kasoo-goostay-magaciisa/ http://caasimadda.com/sargaal-dhowr-jeer-isku-dayay-inuu-kharijiyo-siidii-oo-alshabaab-kasoo-goostay-magaciisa/#comments Mon, 30 Mar 2015 10:05:15 +0000 http://caasimadda.com/?p=154585 More »]]> Muqdisho (Caasimada Online) – Sargaal sare oo ka tirsanaa Maleeshiyada Alshabaab ayaa goordhow isu soo dhiibay Ciidamada DF Somalia ee ka howlgala Gobolka Bakool.

Sargaalkaani oo magaciisa lagu sheegay Maxamed Cali Xasan, ayaa sheegay inuu kamid ahaa Sirdoonka Maleeshiyada, waxa uuna tilmaamay in dhowr jeer uu ka qeybqaatay weeraro la qorsheynaayay in lagu dilo Guddoomiyaha Gobolka Shabellaha Hoose C/qaadir Maxamed Nuur Siidii.

Waxa uu sheegay inuu kamid ahaa Sirdoonkii Maleeshiyada uga Howlgali jiray Gobolka Shabellaha Hoose,gaar ahaan Afgooye, Lafoole Ceelasha biyaha iyo Baraawe, balse iminka uu aad ula dhacsan yahay inuu kasoo baxo Alshabaab.

Sidoo kale, waxa uu xusay in ka hor inta uusan soo goosan uu xiriir maalmo badan qaatay la soo sameeyay Maamulka iyo Ciidamada DF ee Gobolka Bakool, kadibna ay u suuragashay inuu isu soo dhiibo Ciidamada.

Dhanka kale, waxa uu ka qoomameeyay inta uu kamid ahaa Maleeshiyaadka Alshabaab, waxa uuna dhalinyarada ku harsan Kooxda ugu baaqay inay kusoo biiraan Dowlada oo ay ka toobadkeenan dhibka ay la dultaagan yihiin Shacabka.

Caasimada Online
Xafiiska Muqdisho
Caasimada@live.com

]]>
http://caasimadda.com/sargaal-dhowr-jeer-isku-dayay-inuu-kharijiyo-siidii-oo-alshabaab-kasoo-goostay-magaciisa/feed/ 0
Khilaaf ka dhashay dhismaha BAARLAMAANKA Maamulka Jubalanda oo gaaray gacan ka hadal http://caasimadda.com/khilaaf-ka-dhashay-dhismaha-baarlamaanka-jubba-oo-gaaray-gacan-ka-hadal/ http://caasimadda.com/khilaaf-ka-dhashay-dhismaha-baarlamaanka-jubba-oo-gaaray-gacan-ka-hadal/#comments Mon, 30 Mar 2015 09:59:29 +0000 http://caasimadda.com/?p=154583 More »]]> Muqdisho (Caasimada Online) – Iyadoo Maamulka Jubba uu soo bandhigay qaabka loo qeybinaayo Xubnaha Baarlamaanka Maamulkaasi ayaa waxaa hadana taagan Khilaaf adag oo ka dhashay Baarlamaanka.

Waxaa iminka la soo warinayaa inuu sii xoogeysanaayo khilaaf ka taagan sida loo qeybsanayo Xildhibaanada Barlamanka ee Juba oo lagu soo xulayo Degmooyinka sida loo kala dago.

Khilaafka ayaa waxaa xaqiijiyay Ugaas Cumar Xiireey oo ka mid ah Odayaasha soo xulaya Xildhibaanada Juba waxa uuna sheegay in khilaafka uu ka taagan yahay sida loo qeybsanayo Xildhibaanada.

Isagoo ka hadlaayo arrintaasi ayaa waxa uu yiri “Khilaafka wax kale maaha ee qolo waliba waxa ay dooneysaa sadbursi si ay u hesho kuraas Barlamaan oo badan hadase waa la isku soo dhawaanayaa masuuragaleyso in reer gaar ah loo badiyo”

Dooda ugu badan ayaa la sheegay inay ka taagan tahay sida loo soo xulayo Barlamanka Juba ee Gobolada Jubada dhexe iyo gobolka Gedo, waxaana jiro warar hoose oo sheegaya in Hogaamiyaha Maamulka uu doonayo in reero gaar ah uu u kordhiyo kuraasta.

Dhanka kale, Odayaasha qaar ayaa iyaguna aad uga soo horjeeda waxa ayna ku doodayaan inay shirka isaga bixi doonaan waa hadii aan si sinaan ah loo qeybin, waxaana la tilmaamayaa in Khilaafka uu dhaliyay gacan ka hadal dhexmaray Odayaal ka tirsan Ergooyinka oo qaarkood Jeelka la dhigay.

Caasimada Online
Xafiiska Muqdisho
Caasimada@live.com

]]>
http://caasimadda.com/khilaaf-ka-dhashay-dhismaha-baarlamaanka-jubba-oo-gaaray-gacan-ka-hadal/feed/ 0
Dhageyso Faroole: Reer Puntland ayaa XAMAR lagu ugaarsanayaa + Jawaabtii laga bixiyey !!! http://caasimadda.com/dhageyso-faroole-reer-puntland-ayaa-muqdisho-lagu-ugaarsanayaa-jawaabta-caasimada-online/ http://caasimadda.com/dhageyso-faroole-reer-puntland-ayaa-muqdisho-lagu-ugaarsanayaa-jawaabta-caasimada-online/#comments Mon, 30 Mar 2015 05:12:03 +0000 http://caasimadda.com/?p=154528 More »]]> Muqdisho (Caasimada Online) - Inkasta oo hadal laga yaqyaqsiyoodo oo kasoo baxay Faroole uusan ahayn wax cusub oo lala yaabo, haddana marka uu u gefo dad dhibban, waxaa mudan in umadda loo sheego, lana siiyo jawaab ku habboon.

Cabdiraxmaan Faroole iyo reer Puntland, ayaa meelaha wareejinaya qubxi ah in labada nin ee ku beesha ah ee Muqdisho ku geeriyoodaba in si gaar ah loo beegsaday, inkasta oo boqolaal qof oo reer Muqdisho ah ay ku geeriyoonayaan gacanta arxanlaawayaasha Al-Shabaab.

Wareysi cusub oo uu Faroole siiyey radio uu lee yahay wiilkiisa, ayaa isaga iyo weriyihii wareysanayey waxa ay isla jiibinayeen in dadka kasoo jeeda Puntland si gaar ah loogu beegsaday weerarkii Hotel Maka Al-Mukarama.

Waa ay tixraacayeen geerida safiirkii Soomaaliya ee Switzerland Allaha u naxariistee Yuusuf Bari-Bari, oo kamid ah in ka badan 20 qof oo u badan reer Muqdisho oo lagu xasuuqay hotelka.

Weriyihii wareysiga qaadayey, ayaa Faroole afka u geliyey in Yuusuf Bari-Bari iyo dad reer Puntland si gooni ah loogu ugaarsanayo Muqdisho. Faroole oo markii hore u muuqday inuu ra’yigaas iska diiday, ayaa goor dambe wareysiga ku muujiyey in uu meelaha ka maqlay in Yuusuf Bari Bari la toogtay, laba qof oo la fadhidayna la iska dhaafay.

Hadalkaas aan salka iyo raadka lahayn ee reer Puntland ay meelaha wareejinayaan, ayaa ku tusaya dulqaad la’aanta haysa, iyo heerka ay gaar siisan tahay xaasidnimada ku jirta ay u qabaan Muqdisho iyo dadka dega.

Haddii Yuusuf Bari Bari iyo laba qof oo kale oo kasoo jeeda Puntland Muqdisho lagu dilay ay ka dhigeen in qabyaalad ay ka dambeyso, waxa ay gadaal iska mariyeen xaqiiqda ah in boqolaal reer Muqdisho ah, kuwaas la mid ah am aka heer sarreeya Muqdisho lagu dilay, haddana dadka Muqdisho oo dhibka ugu badan ee Shabaab qaba aysan marnaba soo hadal qaadin in ayaga iyo magaaladooda si gaar ah loo bartilmaameedsanayo, inkasta oo haddii ay sidaas ku doodi lahaayeen ay haysan lahaayeen caddeymo ay ku taageeraan doodooda.

Weerarkii Hotel Shamo ee Shabaab ay ku xasuuqday ardayda iyo aqoonyaahanada, waxaa dadka Muqdisho ku abtirsada ay ku waayeen wasiiro iyo aqoon yahanno badan oo ay ku jireen Prof. Ibraahim Xasan Caddow, Dr. Shaahid, Cabdullaahi Waayeel, Qamar Cali iyo jiil arday ahaa oo mustaqbal ifiyaye lahaa. Reer Muqdisho ma aysan dhihin qabiil baa nalo batilmaameedsaday.

Qaraxii tiyaatarka ee April ee 2012, waxaa dadka Muqdisho ku abtirsada uga baxay dad magac leh oo ay ku jireen hoggaamiyayaashii cayaaraha sida AUN Aadan Xaaji Yabarow Wiish iyo Saciid Mugaambe iyo shacab tiro badan oo aan waxba galabsan. Reer Muqdisho ma aysan dhihin qabiil baa nalo batilmaameedsaday.

Qaraxii Hotel Central ee February sanadkan dhacay, waxaa ku naf waayey Soomaali badan oo ay ku jireen dad kasoo jeeda Puntland, Somaliland iyo kuwa reer Muqdisho u badan sida xildhibaan Cumar Furduq iyo Caano-Geel oo madaxda gobolka ka mid ahaa. Reer Muqdisho ma aysan dhihin qabiil baa nalo batilmaameedsaday.

Intaas oo idil waxaa dheer aqoonyahannada, Injineerada iyo Dhaqaatiirta aan xisaabta lahayn ee lagu ugaarsaday Muqdisho laguna dilay. Reer Muqdisho ma aysan dhihin qabiil baa nalo batilmaameedsaday.

Muqdisho iyo dadka ku abtirsada waxa ay dagaalka Al-Shabaab ku waayeen kumanaan qof, oo dad wax gal ah ay ku jireen, haddana in maanta ayaga lagu shabadeeyo inay dadka uga yimid meelaha kale ee martida u ah ay ugaarsanayaan, waa gaf aysan u qalmin oo ay mudan yihiin in laga raali geliyo.

Ma jirto meel ka mid ah Soomaaliya, oo sida Muqdisho loogu soo dhoweeeyo qabaa’ilada aan u dhalan. Faroole oo hadda dhahaya waxaa nalagu ugaarsanayaa Muqdisho, waa ninkii billaabay in dadka reer Koonfureedka uu u bixiyey ee qaxootiga ahaa uu ka sifeeyo deegaanadiisa, haddana ma jirto cid koonfurta degan oo ka aagudatay ama dadkiisa raadsatay.

Arrimahan oo idil waxa ay ku tusyesaa sida loo kala ilbaxnimo badan yahay iyo wanaagga dadka Muqdisho iyo dulqaadkooda.

Waxaa Faroole ceeb ugu filan in hal nin oo ku deegaan ah oo la dilay uu kasoo qeyliyo, isaga oo aan wax damqasho ah u hayn boqolaalka Muqdisho lagu dilay ee qaraxyada iyo weerarada Al-Shabaab ay galaafteen. Hadalkiisa waa astaan kale oo ka mid ah naceybka iyo qabyaaladda ku fogaatay.

Dalabkiisa ah in dadka kasoo jeeda Puntland aysan tagin Xamar, waa hadal u baahan in lasoo dhoweeyo, haddiiba dhibkii dhacaba uu qabyaalad darteed dusha ugu saarayo reer Muqdsho. Xaqiiqda ayaa ah Muqdisho cidna uma baahna, ee ayadaa loo baahan yahay.

W/Q: Samatar Axmed Samatar

Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online.

Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

]]>
http://caasimadda.com/dhageyso-faroole-reer-puntland-ayaa-muqdisho-lagu-ugaarsanayaa-jawaabta-caasimada-online/feed/ 0
Video: Shariif Xasan oo xirtay calanka Itoobiya http://caasimadda.com/video-shariif-xasan-oo-xertay-calanka-itoobiya/ http://caasimadda.com/video-shariif-xasan-oo-xertay-calanka-itoobiya/#comments Mon, 30 Mar 2015 03:00:55 +0000 http://caasimadda.com/?p=154524 More »]]> Baydhaba (Caasimada Online) – Ciidamada Itoobiya ee ku sugan magaalada Baydhabo oo qeyb ka ah howlgalka Amisom, ayaa halkaasi kusoo bandhigay dhoolatus milateri iyo qaabka difaaca hujuumka ugu yimaada Al-Shabaab.

Shariif Xasan Sheekh Aadan, Madaxweynaha maamulka Koonfur Galbeed oo ka qeyb galay ayaa la dhacay dhoolatuskaan, isagoo calanka Itoobiyana soo xertay, wuxuuna u mahad celiyay ciidamada Itoobiya, kuna amaanay sida ay garabka ugu yihiin, ugulana dagaalamayaan Al-Shabaab.

Xafladan ay kusoo bandhigeen dhoolatuska ayaa waxay ka danbeysay kadib markii Wasaaradda Difaaca Itoobiya ay bilado guddoon siisay askarteeda ee ka qeyb qaatay howlgaladii lagula dagaalamay al-Shabaab.

sakiin (1)

]]>
http://caasimadda.com/video-shariif-xasan-oo-xertay-calanka-itoobiya/feed/ 0
”Xasan waxa uu garanayaa sida Dhuusamareeb loogu hoydo kaliya” Waxaa sidaa yiri Yuusuf…. http://caasimadda.com/xasan-waxa-uu-garanayaa-sida-dhuusamareeb-loogu-hoydo-kaliya-waxaa-sidaa-yiri-yuusuf/ http://caasimadda.com/xasan-waxa-uu-garanayaa-sida-dhuusamareeb-loogu-hoydo-kaliya-waxaa-sidaa-yiri-yuusuf/#comments Mon, 30 Mar 2015 02:00:01 +0000 http://caasimadda.com/?p=154520 More »]]> Muqdisho (Caasimada Online) - Yuusuf Axmed Hagar oo ku magac dheer “Yuusuf daba Geed”, ayaa sheegay in Madaxweyne Xassan Sheekh uu kala geynaayo Bulshada Soomaaliyeed, sababo la xiriira qancinta Beelaha gaar.

Waxa uu Yuusuf sheegay in Madaxweyne Xassan uu ilaa Seddex Habeen ku baryay Magaalada Dhuusamareeb si uu u qanciyo beelo gaar ah, balse uusan garaneynin sida loo heshiisiiyo Beelaha uu dagaalka u dhexeeyo ee ku sugan Deegaano hoostaga Gobolka Hiiran.

Daba geed, waxa uu Tilmaamay in DF Somalia ay si cad isaga indha tireyso kaalinteeda ku aadan xalinta Khilaafyada sii ololaaya ee u dhexeeyo Beelaha dega Gobolka Hiiran, waxa uuna meesha ka saaray in Xassan Sheekh ay dhab ka tahay Siyaasadaha ku saleysan isu keenida Beelaha kala irdhoobay.

Sidoo kale, waxa uu ka dhabaajiyay in Madaxweyne Xasan sheekh uu Magaalada Dhuusamareeb Saddax habeen u seexday shir siyaasadeed laakiin aanu hal habeen Seexan deegaanka ay ku dagaalamayaan beelaha walaalaha ah ee duleedka ka ah Magaalada Beledweyne, sida uu hadalka u dhigay

Wuxuu intaasi kusii daray in ay jiraan xogo badan oo uu ogyahay kuwaasoo hadii uu sheego ay suuragal tahay in dharaar cad la dilo, isla xisaabtan la’aanta ka taagan dalka awgeed.

Ugu dambeyntii, waxa uu walaac adag ka muujiyay, Siyaasada DF Somalia ee xiligaani leysugu geeyay Magaalooyinka Cadaado iyo Dhuusamareeb.

Caasimada Online
Xafiiska Muqdisho
Caasimada@live.com

]]>
http://caasimadda.com/xasan-waxa-uu-garanayaa-sida-dhuusamareeb-loogu-hoydo-kaliya-waxaa-sidaa-yiri-yuusuf/feed/ 0