Arsenal, Liverpool iyo Tottenham oo isku heysta Lewis Holtby.

December 30, 2012 11:47 AM0 commentsViews:

Kabtanka Xulka Jarmalka ee da’doodu ka yartahay 21-jirada Lewis Holtby ayaa wadahadalo la furi doona sedaxda kooxood eek ala ah Liverpool, Arsenal iyo Tottenham inta lagu jiro bisha Janaayo si uu ugu soo dhaqaaqo dhamaadka xilli ciyaareedka.

Holtby ayaa u sheegay kooxdiisa Schalke inuusan qandaraas cusub u saxiixi doonin wuxuuna u dhego taagayaa inuu si xor ah ugu dhaqaaqo Barclays Premier League.

22-jirkaan qadka dhexe ka ciyaara ayaa wadahadalo sanadka cusub la bilaabi kara kooxaha Liverpool, Arsenal iyo Spurs wuxuuna quud dareyanayaa inuu wadahal is-af-garad ah u saxiixo.

Aabaha dhalay Holtby ayaa ah nin u dhashay dalka Ingiriiska wuxuuna fursad u heli karaa inuu u ciyaaro xulka England ka hor inta uusan xirfadiisa caalamiga ah ka bilaabin xulka Germany, halkaas oo uu ku dhashay.

Holtby saaxiibki ayaa yiri: “Waxaa jira kooxo badan oo Ingiriis ah oo xiiseynaya hamigiisuna waa inuu u dhaqaaqo Premier League.”

Arsenal ayaa horaan wakiil daawada u dirtay Schalke xilli ciyaareedkaan oo ah kooxda uu u ciyaaro Holtby waana intii ay kooxda Jarmalku ciyaareysay marxada Group-yada ee Champions League.

Balse Gunners ayaa loolan adag kala kulmeysa kooxaha Liverpool iyo Tottenham.

Leave a Reply

You must be logged in to post a comment.

Trackbacks